झापा । अस्थाई प्रहरी चौकी माईधारबाट खटिएको प्रहरी टोलीले तस्करहरुले माई खोलामा बगाएर ल्याउँदै गरेको सखुवाको गोलिया काठ बरामद गरेको छ ।
शिवसताक्षी नगरपालिका वडा न.१० दोमुखास्थित माई खोलामा बगाएर ल्याउँदै गरेको अन्दाजी १ लाख २० हजार मूल्यबराबरको करिव ४० क्यु.फिट काठ प्रहरीले बरामद गरेको हो।
बरामद काठ आवश्यक कारवाहीको लागि गैडे सामुदायिक वन उपभोक्ता समितिलाई बुझाएको जिल्ला प्रहरी कार्यालयले जनाएको छ ।
