झापा । झापाको भद्रपुर ८, चन्द्रगढी विमानस्थलअगाडि करिब ६० लाख लगानीमा गणपति बेकरीले तेस्रो शाखाका रूपमा सञ्चालनमा ल्याएको छ । पिज्जा, केक लगायत बेकरीजन्य उत्पादनसहित क्याफे शनिबारबाट सञ्चालनमा ल्याएको हाे ।
कृपा ढकाल र रियाज ढकालद्वारा विमानस्थलबाट आवागन गर्ने पर्यटकलाई लक्षित गरेर बेकरीसहित क्याफे सञ्चालनमा ल्याइएको जनाइएकाे छ ।
गणपति बेकरीको तेस्रो शाखाका रूपमा सञ्चालनमा ल्याइएको चन्द्रगढी शाखाले नेफोलिटाना पिज्जा, कफी, बड्डे केक आफैँ उत्पादन गरेर ग्राहकको माग पूरा गर्ने सञ्चालक कृपा ढकालले जानकारी दिइन् ।
गणपति बेकरीका हेडक्वार्टर प्रमुख राजु ढकालका अनुसार गणपतिको बिर्तामोडमा मुख्य उत्पादन उद्योग छ भने काँकडभिट्टा र चन्द्रगढीमा फ्रेन्चाइचमा लगिएकोले गुणस्तर मापदण्डको पालना गर्नेगरी शाखा स्वामित्व दिइएको हो उनले जनाए ।
गणपति चन्द्रगढीका सञ्चालक रियाज ढकालले गुणस्तरीय उत्पादनमा जोड दिइने बताउँदै केकका लागि होम डेलिभरीको समेत व्यवस्था रहेको जानकारी दिए ।
