झापा । आउँदै गरेको श्रीकृष्ण जन्माष्टमी पर्व विभिन्न कार्यक्रमको आयोजना गरी भव्यरुपले मनाउने निधो गरिएको छ । श्री राधाकृष्ण मन्दिर भद्रपुर ७ गार्भेण्ट चोकमा यही भदौ १० र ११ गते विविध कार्यक्रमको आयोजना गरी मनाउने निर्णय गरिएको मन्दिर सञ्चालन समितिले जनाएको हो ।
समितिले दिएकाे जानकारी अनुसार १० गते सोमबार मन्दिर दर्शन एवं पुजा विहान ६ बजे देखि हुनेछ भने विभिन्न समूहको भजनकिर्तन मध्यान्ह् १२ बजे देखि मध्यराती १२ बजेसम्म र मन्दिर परिसरमा भगवानको पुजाका लागि अपरान्ह् साढे ४ बजेदेखि हुने समितिका सल्लाहकार राजकुमार दुलालले जानकारी दिए ।
त्यसैगरी भोलीपल्ट अर्थात् ११ गते मंगलबार भद्रपुरबाट निस्किने रथयात्रासहित झाँकीमा सहभागिता जनाउने उनले बताए । सोही दिन मन्दिर परिसरमा स्वागत एवं सर्वतपानी र प्रसाद वितरण गरिने उनको भनाइ छ ।
पर्व मनाउन सवै तहका मानुभावहरुलाइ उपस्थितिका लागि समितिले अनुरोध गरेको छ ।
