साङ्केतिक तस्वीर
झापा । होटलका मालिक र कामदारहरुले झापाकी एक जना १६ वर्षीया बालिकामाथि सामूहिक बलात्कार गरेको अभियोगमा प्रहरीले ६ जनालाई पक्राउ गरेको छ।
जिल्ला प्रहरी कार्यालय झापाका प्रमुख एसपी मिलन केसीका अनुसार अर्जुनधारा नगरपालिका वडा नम्बर ७ मा रहेको लंका होटल एन्ड रिसोर्टका सञ्चालक लंका राजवंशीसहित ६ जनालाई पक्राउ गरिएको हो। घटनामा संलग्न एक जना फरार रहेको केसीले बताए। जिल्ला प्रहरी प्रमुख केसीका अनुसार यो घटना शुक्रबार रातिको हो।
अर्जुनधाराको हाट र होटलमा पुर्याएर बालिकामाथि बलात्कार भएको हो। सोही अभियोगमा होटल सञ्चालक राजवंशीसहित अर्जुनधारा–८ का ३४ वर्षीय सरोज राई , अर्जुनधारा –५ का १९ वर्षीय अनिष लिम्बू, २५ वर्षीय केशव मगर, २० वर्षीय सुदीप श्रेष्ठ र सुजन डाँगी पक्राउ परेका हुन्। समूहका एक जना फरार छन्। पीडित बालिकाले शनिबार प्रहरीमा उजुरी दिएकी थिइन्।
पहिले
हाट लाग्ने ठाउँमा जबरजस्ती करणी गरेको र त्यसपछि होटलमा पुर्याएर पनि
जबरजस्ती गरेको पीडित बालिकाको उजुरीमा उल्लेख छ । पीडित
बालिकाको स्वास्थ्य अवस्था सामान्य रहेकाे र अभियुक्तहरुलाई आइतबार म्याद थप
गरिने जनाइएकाे छ ।
