नेपाल पत्रकार महासंघ झापा शाखाको निर्वाचनका लागि ४१ जनाले मनोनयन दर्ता गराएका छन् । २० सदस्यीय कार्य समितिका लागि ४१ जनाको उम्मेदवारी परेको हो ।
अध्यक्ष पदका लागि डिकेश लामा, एकराज गिरी, राजेन्द्र गौतम र टिकाराम नेपाल (नेती)को उम्मेदवारी परेको निर्वाचन समितिले जनाएको छ ।
उपाध्यक्ष खुल्ला तर्फ गणेशमान मुखिया र सुब्रत न्यौपाने र महिला तर्फ बिनिता गौतम (बिनिशा शर्मा), सुशिला संग्रौला र सुनिरा मैनालीले उम्मेदवारी दर्ता गराएका छन् । सचिव पदका लागि राजु पाठक र प्रदिप परियार छन् भने सह सचिवमा नरेन्द्रकुमार ढकाल र रमेश तिवारी छन् । सहसचिव समावेशीमा चिरञ्जीवी घिमिरे र तिलक योञ्जन रहेका छन् ।
कोषाध्यक्षमा तीन जनाको उम्मेदवारी परेको छ । पुष्पलाल खड्का, मुक्ति पौडेल र शम्भुजित दाहालले कोषाध्यक्ष पदका लागि मनोनयन दर्ता गराएका हुन् ।
सदस्यतर्फ महिलामा भुकुमारी लिम्बु (भुमिका) र सबिना लिम्बु, दलिततर्फ किशोर उपरकोटी र मनकुमार गदाल, आदिवासी जनजाति तर्फ नरेश गुरुङ्ग र इन्द्रकुमार राई र मधेशीतर्फ सन्तोष शर्मा र मनकुमार शर्माले उम्मेदवारी दिएका छन् ।
खुल्ला ९ जना सदस्यका लागि १५ जनाले उम्मेदवारी दर्ता गराएका छन् ।
निर्वाचन समितिका अनुसार उम्मेदवार उपर दाबी विरोध, छानबिन र फिर्ताको समय बिहीबार १ बजे सम्मको रहेको छ भने अन्तिम नामावली प्रकाशन बिहीबार १ः३० बजे रहेको छ । मतदान २८ गते शुक्रबार १०:०० बजेदेखि ४:०० बजेसम्म अग्रसेन भवन बिर्तामोडमा हुनेछ ।
