झापाको हल्दिवारी गाउँपालिका–५ चारघरे निवासी ८० वर्षीय भीमबहादुर बिष्टको पानीमा डुबेर मृत्यु भएको छ।
शुक्रबार दिउँसो करिब १२:३० बजे घाँस काट्न गएका बिष्ट भुतेनी खोलाको डिलबाट लडेर डुबेका थिए। घाँस काटेर घर फर्किने क्रममा उक्त दुर्घटना भएको प्रहरीले जानकारी दिएकाे छ।
दुर्घटनापछि मृतकका छोराले करिब १६:२० बजे बुबालाई खोलाबाट निकालेर किनारमा राखी घटना सम्बन्धमा प्रहरी चाैकी कञ्चनश्रीमा जानकारी गराएका थिए।
जानकारी पाएपछि थप अनुसन्धान तथा कानुनी प्रक्रिया पूरा गर्न जिल्ला प्रहरी कार्यालय झापाबाट प्रहरी अधिकृतको टोली घटनास्थलमा खटिएको थियो।
शवलाई कानुनी प्रकृया पूरा गरेपछि साँझ १८:४० बजे पोष्टमार्टमका लागि प्रादेशिक अस्पताल, भद्रपुर पठाइएको जिल्ला प्रहरी कार्यालयले जानकारी दिएको छ।
