झापा / राष्ट्रिय परीक्षा बोर्डले कक्षा १२ को ग्रेड वृद्धि (पूरक) परीक्षा आगामी साउन २ र ३ गते सञ्चालन गर्ने भएको छ । नियमित परीक्षाको नतिजामा नन्-ग्रेडेड भएका वा अनुपस्थित रहेका योग्य विद्यार्थीहरूका लागि बोर्डले परीक्षाको कार्यतालिका सार्वजनिक गरेको हो ।
बोर्डका अनुसार परीक्षा तोकिएका दिनहरूमा बिहान ११:०० बजेदेखि दिउँसो २:०० बजेसम्म सञ्चालन हुनेछ ।
असार १९ सम्म फाराम भर्न सकिने
पूरक परीक्षामा सहभागी हुन चाहने विद्यार्थीहरूले आगामी असार १९ गतेभित्र नियमित शुल्कमा र असार २६ गतेभित्र दोब्बर दस्तुर तिरी आ-आफ्नो विद्यालयमार्फत आवेदन फाराम बुझाइसक्नुपर्नेछ । बोर्डले नियमित आवेदन शुल्क प्रतिविद्यार्थी ८०० रुपैयाँ र दोब्बर शुल्क १,६०० रुपैयाँ तोकेको छ ।
पूरक परीक्षामा सहभागी हुन चाहने विद्यार्थीहरूले आगामी असार १९ गतेभित्र नियमित शुल्कमा र असार २६ गतेभित्र दोब्बर दस्तुर तिरी आ-आफ्नो विद्यालयमार्फत आवेदन फाराम बुझाइसक्नुपर्नेछ । बोर्डले नियमित आवेदन शुल्क प्रतिविद्यार्थी ८०० रुपैयाँ र दोब्बर शुल्क १,६०० रुपैयाँ तोकेको छ ।
यस्तो छ परीक्षा तालिका (Routine):
- साउन २ गते (पहिलो दिन): अनिवार्य अंग्रेजी (Compulsory English) विषयको परीक्षा । यस्तै, एक विषयमा मात्र परीक्षा दिने परीक्षार्थीहरूको सबै विषय र दुई विषयमा परीक्षा दिनेहरूको हकमा सानो कोड नम्बर भएको विषयको परीक्षा पहिलो दिन हुनेछ ।
- साउन ३ गते (दोस्रो दिन): दुई विषयमा परीक्षा दिने परीक्षार्थीहरूको हकमा ठूलो कोड नम्बर भएको विषयको परीक्षा दोस्रो दिन हुनेछ ।
को-को हुन पाउँछन् सहभागी?
सैद्धान्तिकतर्फ अन्य विषयमा न्यूनतम 'डी' वा सोभन्दा माथिल्लो ग्रेड प्राप्त गरी बढीमा दुई विषयमा 'नन्-ग्रेडेड' (NG) भएका वा बढीमा दुई विषयमा अनुपस्थित रहेका नियमित परीक्षार्थीहरू मात्र यस परीक्षामा सहभागी हुन पाउनेछन् ।
सैद्धान्तिकतर्फ अन्य विषयमा न्यूनतम 'डी' वा सोभन्दा माथिल्लो ग्रेड प्राप्त गरी बढीमा दुई विषयमा 'नन्-ग्रेडेड' (NG) भएका वा बढीमा दुई विषयमा अनुपस्थित रहेका नियमित परीक्षार्थीहरू मात्र यस परीक्षामा सहभागी हुन पाउनेछन् ।
यस्तै, सार्वजनिक नतिजामा चित्त नबुझेका विद्यार्थीहरूले असार २६ गतेभित्र प्रतिविषय १,००० रुपैयाँ शुल्क बुझाएर अनलाइनमार्फत पुनर्योग (Re-totaling) को आवेदन दिन सक्ने बोर्डले जनाएको छ ।
