साङ्केतिक तस्वीर
झापा । जिल्लामा पछिल्लो समय लागूऔषधका मुद्धाको चाङ निक्कै ठुलै छ । जिल्ला प्रहरी कार्यालय झापाको अभिलेख अनुसार चालु आर्थिक वर्ष २०८०/०८१ को दशमहिनामा यसमा संलग्न स्वदेशी र विदेशी गरी कुल ३ सय ७२ जना पक्राउ परीसकेका छन्
जिल्लाका डिएसपी कृष्ण कुमार चन्दका ३ सय २५ पुरुष र २५ महिलागरी कुल स्वदेशी ३ सय ५० जना र १८ पुरुष र ४ जना महिला गरी कुल २२ जना विदेशी लाई झापा प्रहरीले नियन्त्रणमा लिएको हो । सोहि अवधिमा लागुऔषधका २ सय ४० वटा मुद्धा दर्ता भएका छन् । सो अवधिमा हिरोईन १ हजार ९ सय ४४ ग्राम ४ हजार ६ सय ४० मिलिग्राम र २६ केजीभन्दा बढी गाजा बरामद गरेको प्रहरीको अभिलेखमा उल्लेख छ । चोरी झै झगडा, लुटपाटलगायत घटनामा लागूऔषध प्रयोगकर्ता संलग्न रहने गरेका छन् । प्रहरीको अभिलेख अनुसार हरेक महिना यस्ता मुद्धाका घटनामा बढोत्तरी छन् ।
पछिल्लो समय लागूऔषध ओसारपसार तथा सेवनकर्ताको विगविगी बढेसँगै झापा प्रहरी पनि उनीहरुलाई नियन्त्रणमा लिन तथा कानुनी कारवाहीमा सक्रियपूर्वक लागेको उनले जनाए ।
झापा प्रहरी लागूऔषध
ओसारपसारको संगठित जालोलाई तोडेर कानुनी कारबाहीमा तीव्रता दिन पनि पछिल्लो
समय निक्कै आक्रमकरुपमा प्रस्तुत हुँदैं लागूऔषध नियन्त्रणमा निगरानी
बढाउँदै आएको उनले जानकारी दिए ।
लागूऔषध प्रयोगकर्ताका कारण जिल्लामा विभिन्न आपराधिक क्रियाकलापमा
वृद्धि भएपछि प्रहरी यस विरुद्ध कडारुपमा प्रस्तुत भएको
उनकाे भनाई छ ।
