झापा / नेपाल–भारत सीमावर्ती क्षेत्र महिनाथपुरमा एसएसबीले गोली चलाउँदा एक भारतीय किसान घाइते भएका छन् ।धनुषाको विदेह नगरपालिका–१ स्थित महिनाथपुर सीमा क्षेत्रमा गोली चलाइएको हो ।
गोली प्रहारमा भारतीय नागरिक ४५ वर्षीय भर्ता पासमान घाइते भएका हुन । स्थानीय व्यापारी लामोहन पासमानसँगको विवादलाई नियन्त्रणमा लिन खोज्दा गोली प्रहार गरिएको र त्यस क्रममा पासमानको दाहिने कम्मरमा दुई राउण्ड गोली लागेको भारतीय सुरक्षा अधिकारीलाई उद्धृत गर्दै नेपाली सशस्त्र प्रहरी स्रोतले जनाएको छ ।
बिहार राज्य अन्तर्गत मधुवनी जिल्लाको ग्रामपञ्चायत–६ मैनाथपुर क्षेत्रमा किसानहरूले खाद्य सामग्री ल्याउने क्रममा उत्पन्न विवादपछि भारतीय एसएसबीले चार राउण्ड गोली प्रहार गरेको पुष्टि भएको छ ।
