झापा । राष्ट्रिय युवा संघ झापाले संगठनका नेताहरुमाथि भएको आक्रमण ज्यानै मार्ने उद्देश्यले जनाएको छ । हत्या गर्ने योजनासहित भएको आक्रमणको घटनामा संलग्नहरुलाई चाँडोभन्दा चाँडो पक्राउ गरी कानुनी दायरामा ल्याउन माग गरिएको छ ।
आज एक विज्ञप्ति जारी गर्दै उक्त घटनाको राष्ट्रिय युवा संघ नेपाल झापाले घोर निन्दा तथा भत्सर्ना गरेको छ । आक्रमणबाट राष्ट्रिय युवा संघ नेपाल केन्द्रीय सदस्य एवंम् झापा इन्चार्ज खगेन्द्रराज आङ्दाड्वे, संघका नेता विश्वदिप राजवंशी र विर्तामोड–४ निवासी अजय खवास गम्भीर घाइते भएका छन् ।
गए राति विर्तामोड निवासी खगेन्द्र खालिङ्ग राई लगायतको समूहले व्यक्तिगत रिसिवी साँधेर ज्यानै मार्ने उदेश्यले खुकुरी, तरवार प्रहार गरी आक्रमण गरेको युवा संघले जनाएको छ । घाइते युवाहरुको उपाचार बिर्तामोडस्थित विएण्डसीमा भइरहेको छ ।
विज्ञप्तिमा भनिएको छ, – घटनामा संलग्न अभियुक्तहरु मध्ये खगेन्द्र खालिङ्ग राईलाई प्रहरीले पकाऊ गरेको जानकारी प्राप्त भएको छ भने दुगां खालिङ्ग राई लगायत अन्य अपरिचित ३-४ जना फरार रहेका छन् । फरार रहेकाहरुको चाँडो भन्दा चाँडो खोजी गरी कानुनी कारवाहीको दायरामा ल्याउन प्रहरी प्रशासन समक्ष जोडदार माग गर्दछौं । साथै, घाइते युवा नेताहरुको औषधी उपचारको व्यवस्था मिलाउन सम्बन्धित निकायको ध्यानाकर्षण गराउन चाहान्छौं ।
यस किसिमका घटनाले समाजमा अराजकता, अशान्ती र सामाजिक सद्भाव माथी खलल् पुर्याउने भएकोले यस्ता प्रकारका अपराधिक गिरोहहरुलाई प्रशासनले ठेगान नलगाए राष्ट्रिय युवा संघ नेपाल प्रतिकारमा उत्रन बाध्य हुने चेतावनी दिन चाहान्छौ, अध्यक्ष फुर्वा लामाद्वारा जारी विज्ञप्तिमा भनिएको छ ।
