झापा । सद्भाव र भातृत्वकाे प्रतीक छठ पर्वमा भद्रपुर स्थित
मेची नदीमा संकिर्तन भजनसहित गंगा आरती भव्यरूपमा सम्पन्न भएकाे छ । भद्रपुर नगरपालिका
नगर कार्यपालिकाकाे आयाेजना तथा ५ नम्बर वडा समितिकाे कार्यालय ,युनिक
समूह र मैथिल समाज भद्रपुरकाे सहकार्यमा विहीबार साँझ भद्रपुर ५
सूर्यनारायण मन्दिर परिसरमा गंगा आरती सम्पन्न गरिएकाे हाे । स्थानीय गुरू पिताम्बर अधिकारीकाे नेतृत्वमा दुइवटा आरतीकाे कार्यक्रम सञ्चालन
गरिएकाे थियाे ।
यही वर्षकाे भदाै २३ गते पहिलाे पटक बन्धु कार्कीकाे नेतृत्वमा कार्की परिवारले मेची किनारमा गंगा आरती सञ्चालन गरेका थिए । साेही कार्यक्रममा नगर प्रमुख गणेश पाेखरेलले नगरपालिकाकाे आयाेजनामा छठ पर्वका दिन मेची नदीमा गंगा आरती हुने घाेषणा गरे बमाेजिम याे कार्यक्रम सञ्चालन भएकाे थियाे ।
कार्यक्रममा जिल्लाका सुरक्षा निकाय , जनप्रतिनिधि ,विभिन्न संघ संस्था,उद्दाेगी,व्यवसायी,विभिन्न धार्मीक समूह,सञ्चारकर्मी लगायत भक्तजनहरूकाे सहभागिता रहेकाे थियाे ।
मेची नदीमा अस्ताउँदै गरेकाे सुर्यलाइ अर्घ दिइसकेपछि गंगा आरती सुरू भएकाे थियाे ।
