। झापा मेचीनगरका होटल व्यवसायी शिब दाहालको घरबाट लाखौंको गरगहना चोरी भएको छ । मेचीनगर –१० हिमालय टोल बस्ने दाहालको घरमा हिजो कोही नभएको बेला घरको कम्पाउण्ड वालबाट छतमाथि चढेर फलामको झ्याम्पलले सिढीको ढोका फुटाई घरभित्र प्रवेश गरी घरको पश्चिमतर्फको कोठाको ताल्चा फुटाई कोठाभित्र थ्रीपिस दराजमा रहेको गरगहना चोरी भएको हो ।
दराजमा रहेका दुई तोलाको .सुनको सिक्री ,सुनको पिंजडा ,सुनको कानमा लगाउने टप ,सुनको औंठी ,सुनको तिलहरी ,चाँदीको गरगहना गरी अन्दाजी १२ लाख ६० हजार बराबरको चोरी भएको पीडितले बताएका छन् ।
गएराति ११ः५२ बजे इलाका प्रहरी कार्यालय धुलाबारीमा खबर भएपछि प्रहरी नायव निरीक्षक शंकरकुमार खत्रीको कमाण्डमा प्रहरी टोली पुगेको थियो । चोरी गर्ने मानिसको पहिचान तथा खोजतलास भइरहेको प्रहरीले जनाएको छ ।
