झापा । झापा जिल्ला अदालतबाट विभिन्न मुद्दामा फैसला भई फरार रहेकामध्ये चैत महिनामा ५१ जना फरार प्रतिवादी पक्राउ परेका छन् ।
जिल्ला प्रहरी कार्यालय झापाका प्रवक्ता एवम डिएसपी खगेन्द्र बहादुर खड्काले दिएको जानकारी अनुसार फैसला कार्यान्वयनका लागि खटिएको प्रहरी टोलीले विभिन्न मुद्दामा फरार भइ कैद असूल गर्न बाँकी रहेकालाइ पक्राउ गरिएको जनाएका छन् ।
जरिवाना असूल मात्र बाँकी रहेकालाइ जरिवाना दाखिला गराइ छाडिएको र कैद असूल बाँकी रहेकाहरुलाइ अदालतमा उपस्थित गराइ झापा कारागार पठाइएको उनले जनाए ।
पक्राउ प्रतिवादीहरुबाट २७ बर्ष ९ महिना ७ दिन कैद तथा ५० लाख ४३ हजार ४ सय १० रुपैयाँ जरिवाना असूल उपर गरिएको उनले जनाए ।
फरार प्रतिवादीलाइ अदालतमा उपस्थित गराएपछि कती कारागार गए कति छुटे भन्ने तथ्याङ्क जिल्लामा नरहेको उनले जनाए ।
