झापा जिल्लामा लागूऔषध मुद्दामा अदालतबाट कैद र जरिवाना तोकिएर फरार रहेका एक अभियुक्तलाई प्रहरीले दमकबाट पक्राउ गरेको छ। जिल्ला प्रहरी कार्यालय झापाबाट खटिएको प्रहरी टोलीले दमक नगरपालिका–५ स्थितबाट विजय धिमाल (२४), स्थायी ठेगाना दमक नगरपालिका–२, खरखरेलाई शनिबार बिहान करिब ७ बजे पक्राउ गरेको हो।
झापा जिल्ला अदालतको लगत नं. ११/३६४९ अनुसार २०७८ सालमा दायर मुद्दामा २०७९ जेठ १४ गतेको फैसलाद्वारा उनलाई ५ वर्ष ९ महिना ४ दिन कैद र रु. १०,००० (दश हजार) जरिवाना तोकिएको थियो। त्यसयता उनी फरार रहेका थिए।
पक्राउ गरेपछि उनलाई थप अनुसन्धानका लागि इलाका प्रहरी कार्यालय दमकमा राखिएको थियो। आइतबार (मिति २०८२ भदौ २२ गते) जिल्ला अदालत झापामा पेश गरिएपछि अदालतको आदेशअनुसार धिमाललाई कारागार चलान गरिएको प्रहरी स्रोतले जनाएको छ।
