झापा । झापाकाे भद्रपुरमा एक छात्रले छात्रामाथि खुकुरी प्रहार गरेका छन् ।
भद्रपुरमा रहेकाे एसएस निकेतन कक्षा ११ मा अध्ययनरत भद्रपुर ९ शान्तिटाेलकी १७ वर्षिया श्रेया राइमाथि खुकुरी प्रहार भएकाे जिल्ला प्रहरी कार्यालय झापाले जनाएकाे छ ।
प्रहरीले दिएकाे जानकारी अनुसार छात्रा परिक्षा सकेर शुक्रबार पाैने ११ बजे स्कुलबसबाट घर जादाँ घर नजिकै भद्रपुर ६ का १८ वर्षिय छात्र अभिषेक कर्णले बाटाे छेकेर धारिलाे हतियार (दाउ) प्रहार गरेकाे जिल्लाका डिएसपी कृष्णकुमार चन्दले जानकारी दिए ।
हतियार प्रहारबाट घाइते राइकाे टाउकाे,दुवै हातमा चाेट लागेकाे उनले बताए । घटनापछि भाग्दै गरेकाे अवस्थामा प्रहरी चाैकी घाेडामाराबाट खटिएकाे प्रहरीले हतियारसिहत नियन्त्रणमा लिएकाे उनले जनाए । घाइते राइलाइ तत्काल प्रादेशिक अस्पताल भद्रपुरमा लगिएकाे र थप उपचारका लागि भद्रपुर स्थित ओम साई पाथीभरा अस्पतालमा भइरहेको उनले जानकारी दिए ।
घाइते राइकाे नसा धेरै काटिएकाेले पहिलाे चरणमा नसा जाेडेर रगत जानबाट जाेगाइएकाे अस्पतालले जनाएकाे छ । शरिरमा रगत कम भएकाेले रगत दिएर पहिलेकै अवस्थामा ल्याएपछि मात्र शल्यक्रिया शुरू गरिने अस्पतालका प्रमुख प्रशासक दिप पाैडेलले जानकारी दिए ।
खुकुरी प्रहार गर्ने कर्ण पनि साेही विद्दाालयमा कक्षा १२ मा अध्ययनरत रहेकाे पाइएकाे छ । उनिहरूबिच माया प्रेमकाे कारण हुनसक्ने अनुमान गरिएकाे छ ।
