झापा / झापाकाे भद्रपुर भन्सार कार्यलयकाे दाेस्राे तलामा काम गर्दै गरेका एक मजदुर तल खसेर घाइते भएका छन् ।
घाइते हुनेमा भद्रपुर नगरपालिका वडा नं. ७ बस्ने ३६ वर्षीय टायल मिस्त्री अमृत राजवंशी रहेकाे प्रहरीले जानकारी दिएकाे छ ।
प्रहरीका अनुसार बिहिबार ११ः४० बजेकाे समयमा भद्रपुर ५ मा रहेकाे कार्यालयको तिन तल्ले भवनको दोस्रो तल्लाबाट राजबंशी टायलको काम गर्दा गर्दै अचानक लडि घाईते भई उपचारको लागि
प्रादेशिक अस्पताल भद्रपुर पठाएको छ । उनकाे हात, टाउको, दाहिने घुडाँ र शरीरमा भित्री
भागमा चोट लागेकाे छ भने स्वास्थ्य अबस्था मध्यम रहेकाे जनाएकाे छ । राजवंशीकाे उपचारमा निजको मामा श्रवन राजबंशी रहेका छन् । घटनास्थलमा वडा प्रहरी कार्यलय भद्रपुरबाट प्रहरी टोली खटि गई थप बुझ्ने कार्य
भईरहेको जिल्ला प्रहरी कार्यालय झापाले जानकारी दिएकाे छ ।
