झापा / झापाको भद्रपुर–८ स्थित दुखा बस्तीमा एक व्यक्ति मृत अवस्थामा फेला परेका छन्। मृत फेला पर्नेमा स्थानीय शिवलाल किस्कुका ३५ वर्षीय छोरा बुद्धिम किस्कु रहेको प्रहरीले जनाएको छ।
प्रहरीका अनुसार घर नजिकै रहेकाे पैनीमा घाेप्टाे परेकाे अवस्थामा फेला परेकाे र शरिरमा कुनैपनि चोटपटक नलागेकाे जनाएकाे छ । घटनास्थलबाट शव उठाएर पोस्टमार्टमका लागि प्रादेशिक अस्पताल भद्रपुर पठाइएको छ। घटनाबारे थप अनुसन्धान भइरहेको जिल्ला प्रहरी कार्यालय झापाले जानकारी दिएको छ।
