झापा । नेकपा एमालेबाट सरकारमा सहभागी भएका ८ जना मन्त्रीहरुले बुधबार बेलुका बालुवाटार पुगेर राजीनामा बुझाएका छन् ।
उनीहरूले निवासमै पुगेर प्रधानमन्त्री पुष्पकमल दाहाल प्रचण्डलाई सामुिहक राजिनामा बुझाएका हुन् ।
प्रचण्ड सरकारमा उपप्रधान तथा भौतिक पूर्वाधारमन्त्री रघुवीर महासेठको नेतृत्वमा एमालेका ८ जना मन्त्री छन् ।
उनीहरुले राष्ट्रिय सहमतिको सरकार गठन गर्ने उद्देश्यले पार्टीले आजै सरकारलाई दिएको समर्थन फिर्ता गरेको भन्दै राजीनामा दिएको व्यहोरा राजीनामा पत्रमा उल्लेख गरेका छन् ।
