झापा । नेपाल प्रहरीले प्रतिबन्धित लागुऔषध सहित २ जना मानिस पक्राउ गरेकाे छ ।
पक्राउ पर्नेमा झापाकाे बिर्तामोड नगरपालिका वडा नं.४ घर बताउने वर्ष अं.२१
को उत्तम दर्जी र ईलामकाे सुर्योदय नगरपालिका वडा नं.२ घर बताउने वर्ष
अं.२० की सन्ध्या बिश्वकर्मा रहेकाे प्रहरीले जानकारी दिएकाे छ ।
झापाकाे बिर्तामोड नगरपालिका वडा नं.५ स्थितमा रहेको त्रिवेणी होटल एण्ड लजमा
प्रतिबन्धित लागुऔषध ब्राउन सुगर कारोबार भई रहेको छ भन्ने गोप्य सुचनाको
आधारमा ईलाका प्रहरी कार्यालय अनारमनी झापाबाट खटिएको प्रहरी टोलीले
होटल धनीलाई खानतलासी पुर्जी समेत दिई खानतलासी गर्दा होटल लजको कोठा
नं.१ भित्र दर्जी र बिश्वकर्मा बसेको कोठाको बेडमा प्रतिबन्धित लागुऔषध ब्राउन
सुगर १ ग्राम ९०० मिलिग्राम र निजहरुको साथबाट नेपाली नगद रु.५,५००।–,
मोवाईल सेट थान- ३ सहित फेला परेकोले दुवै जनालाई नियन्त्रणमा लिई ईलाका
प्रहरी कार्यालय अनारमनी झापामा राखी थप अनुसन्धान कार्य भईरहेको जिल्ला प्रहरी कार्यलय झापाले जानकारी दिएकाे छ ।
