झापाकाे भद्रपुरमा गोली प्रहार, भारतीय नागरिक नियन्त्रणमा

झापा / झापाकाे भद्रपुर नगरपालिका–५ अन्तर्गत भद्रपुर बजारको भीत्रि सडक खण्डमा प्रहरीले दुई राउण्ड गाेली चलाएर एक जना भरतीय नगरिकलाई पक्राउ गरेकाे छ ।

लागुऔषधकाे  कारोबार भइरहेको भन्ने गोप्य सूचनाका आधारमा जिल्ला प्रहरी कार्यालय झापा र लागुऔषध नियन्त्रण ब्यूरो काँकरभिट्टाबाट खटिएको संयुक्त प्रहरी टोलीलेकाे उपस्थिति देखेपछि शंकास्पद रुपमा हिँडिरहेका भारतकाे बिहार राज्य अन्तरगत किशनगंज जिल्लाकाे कोल्लिकोट थाना निवासी ३६ वर्षीय मोहमद इस्लामले प्रहरीमाथि आक्रमण गर्दै भाग्न खोज्दा प्रहरीले आत्मरक्षाका लागि दुई राउण्ड गोली प्रहार गरेर पक्राउ गरेकाे हाे।

गाेली चलाउदा  उनकाे बायाँ खुट्टाको घुँडामुनि एक राउण्ड गाेली लागेको थियो ।

प्रहरीले खानतलासी गर्दा इस्लामको साथबाट प्लास्टिकमा प्याक गरिएको खैरो हिरोइन जस्तो देखिने लागुऔषध करिब ११०.२० ग्राम (प्लास्टिकसहित) र प्लास्टिक हटाएर १०७.१० ग्राम बरामद गरेको छ ।

घाइते अवस्थामा रहेका उनलाई तत्काल प्रहरीले नियन्त्रणमा लिई उपचारका लागि प्रदेश अस्पताल भद्रपुर पठाइएको छ । हाल उनको अवस्था सामान्य रहेको र घटनाबारे थप अनुसन्धान जारी रहेको जिल्ला प्रहरी कार्यालय झापाले जानकारी दिएको छ।