जापा / राष्ट्रिय प्रजातन्त्र पार्टी (राप्रपा) को केन्द्रीय कार्यालयमा राजसंस्था पुन:स्थापनाका लागि बसेकाे संयुक्त जनआन्दोलन समितिकाे बैठकले चरणबद्ध आफ्ना आन्देलनका कार्यक्रमहरु घाेषणा गरेका छन्।
बैठकले जेठ १५ गते प्रारम्भ हुने उपत्यका केन्द्रीत जनआन्दोलनमा सबै पार्टी, संस्था, अभियानका सबै संरचनाहरु परिचालन गर्ने निर्णय गरेको छ भने जेठ ८ गते काठमाण्डौंको साँखुबाट जनआन्दोलन प्रारम्भ हुनुअघि उपत्यकामा प्रचारात्मक अभियान सञ्चालन गर्ने निर्णय गरिएको छ ।
जेठ ११ गतेसम्म सञ्चालन हुने प्रचारात्मक कार्यक्रम सबै नगरपालिकामा सयौं सभाहरु गर्दै भक्तपुरको चाँगुनारायणमा समापन हुने राष्ट्रिय प्रजातन्त्र पार्टीका प्रवक्ता मोहन कुमार श्रेष्ठले बताए ।
जनआन्दोलनमा आम उपत्यकाबासीको सक्रिय सहभागीताका लागि घरदैलो, कोणसभा र जागरणका विविध गतिविधि सञ्चालन गर्ने निर्णय पनि बैठकले गरेको उनले बताए ।
बैठकमा समितिका संयोजक नवराज सुवेदी, राप्रपा अध्यक्ष राजेन्द्र लिङ्देन,
राप्रपा नेपालका अध्यक्ष कमल थापा, राप्रपाका पूर्व अध्यक्षद्वय पशुपति
शमशेर जबरा र डा.प्रकाशचन्द्र लोहनी लगायत विभिन्न ४४ वटा दल, संस्था, समूहकाे सहभागीता थियाे ।
