झापा / नेपाली कम्युनिस्ट पार्टीकाे एकता घाेषणकाे सन्देश सभा आज विराटनगरमा हुदै छ ।
एकताको सन्देश तल्लो तहसम्म पुर्याउन सातै प्रदेशमा सभा गर्ने क्रममा आज कोशी प्रदेशको विराटनगरमा सभा गर्न लागिएको हो । यस अघि सुदूरपश्चिम, लुम्बिनी र गण्डकी प्रदेशमा गरिसकेकाे छ ।
जनआन्दोलन चोकको उत्तरतर्फ रहेको पुरानो गुद्रीको खुल्ला मैदानमा दिउँसो १२ बजेदेखि सभा आयोजना हुने नेकपाका स्थानीय नेताहरुले बताएका छन् । १० हजार समर्थकलाई उपस्थित गराउने दाबी उनीहरुले गरेका छन् ।
सभालाई नेकपा संयोजक तथा पूर्वप्रधानमन्त्री पुष्पकमल दाहाल प्रचण्ड, सह–संयोजक माधवकुमार नेपाल, वरिष्ठ नेता झलनाथ खनाल, भीम रावललगायतले सम्बोधन गर्नेछन् ।
