झापा । पुराणको प्रसाद खाएर झापाको कचनकवल–६, बनियानीमा १९ जना विरामी भएका छन् ।
पशुपति दाहालको वार्षिकीमा विष्णु दाहालको घरमा तीन दिनदेखि लगाइएको पुराणको प्रसाद खाएर ३ जना बालबालिकासहित १९जना विरामी भएकाे प्राथमिक स्वास्थ्य केन्द्र, बनियानीले जनाएकाे छ । शनिबार बेलुका प्रसाद खाएकोमा आइतबार बिहानदेखि उनीहरुलाई ज्वरो आउने , टाउको दुख्ने , बान्ता हुनेजस्ता समस्या देखिएको प्राथमिक स्वास्थ्य केन्द्र, बनियानीका चिकित्सक डा. दिपेन राजवंशीले बताए छ । बिरामीहरूमा इन्टापमिवा हिस्टोलाइटिका नामक कीटाणु समेत देखा परेको राजवंशीले बताए । अधिकांश बिरामीहरूको स्वास्थ्य अवस्था सामान्य बन्दै गएको उनकाे भनाइ छ ।प्राथमिक केन्द्र भएकोले बेड तथा जनशक्ति अभावका कारण उपचारमा केही असहज भएको उनले जानकारी दिए ।
बिहान साढे ११ बजे शुरुमा एकजना वृद्धा विरामी भएर आएकोमा त्यसपछि अरु पनि आउन थालेको डा. राजवंशीले बताए । उनले स्वास्थ्य केन्द्र विरामीले भरिसकेको जानकारी दिए । हालसम्म १९ जना विरामीमा समस्या देखिएकाे उनले जानकारी दिए ।
