झापा / खोटाङमा बढ्दो बाँदर आतंक नियन्त्रण तथा किसानका बाली जोगाउने उपायबारे अन्तरक्रिया कार्यक्रम सम्पन्न भएको छ । जिल्लाका विभिन्न स्थानमा बाँदरका कारण मकै, कोदो, आलु लगायतका बालीमा क्षति बढ्दै गएपछि जिल्ला समन्वय समिति खोटाङले जेठ १३ गते सरोकारवाला निकाय, किसान तथा स्थानीय जनप्रतिनिधिबीच छलफल गरिएको हो ।
कार्यक्रममा सहभागीहरूले बाँदर
आतंकका कारण किसानहरू खेतीपाती गर्न निरुत्साहित बन्दै गएको बताएका थिए । उनीहरूले
वन क्षेत्र नजिकका बस्तीमा विशेष समस्या देखिएको भन्दै दीर्घकालीन समाधान आवश्यक
रहेको धारणा राखे ।
कार्यक्रममा सहभागी ध्यानबहादुर
राईले बाँदर धपाउनका लागि निश्चित तलब दिएर वर्षको ६ महिना हेरालु राख्न सकिने
धारणा राखे ।
बाँदर लगायतका जंगली जनावर धपाउनका
लागि हेरालु राख्ने उपयमा सहमत छन् किसान झमप्रसाद आचार्य । उनले वडा-वडामा बाली
संरक्षण समिति गठन गरेर त्यसकै मातहतमा स्थानीय सरकारले हेरालु व्यवस्थापन गर्न
सक्ने सुझाव दिएका छन् । झमप्रसादले हेरालुमार्फत बाँदरको निगरानी गर्ने र
बालीनाली नजिक आएको बेला खेदाउन सकिने विकल्प अघि सारे ।
अन्तरक्रियामा वन कार्यालय, स्थानीय तहका प्रतिनिधि, किसान समूह तथा सरोकारवालाले बाँदर नियन्त्रणका लागि सामूहिक पहल,
जैविक तथा प्रविधिमैत्री उपाय अपनाउने विषयमा
सुझाव दिएका थिए । साथै प्रभावित क्षेत्रमा तत्काल राहत तथा संरक्षण कार्यक्रम
सञ्चालन गर्न माग गरिएको थियो ।
स्थानीय किसानहरूले सरकारले
प्रभावकारी नीति नल्याए कृषि उत्पादनमा अझ ठूलो असर पर्ने चेतावनी दिएका छन् ।
