झापा / झापाकाे दमकमा टिपरले स्कुटरलाई ठक्कर दिदाँ स्कुटरकाे पछाडि सवार एक जनाकाे मृत्यु भएकाे छ ।
आज दिउँसाे १२:०० बजेको समयमा दमक नगरपालिका-३ संगम चोक स्थित डिपु चोक बाट आम्दा तर्फ आउदै गरेको मे १ ख २८८४ नम्बरको टिपरले बिपरीत दिशाबाट जादै गरेको मे ११ प ५४५३ नम्बरको स्कुटीलाई ठक्कर दिई दुर्घटना हुदाँ सोहि स्कुटी पछाडी सवार ५६ वर्षीया लक्ष्मी गौतमको घटना स्थलमा नै मृत्यु भएको प्रहरीले जानकारी दिएकाे छ ।
शवलाई आवश्यक कानुनि प्रकृया तथा पाेष्टमार्टमका लागि दमक अस्पताल पाठइएकाे छ भने स्कुटी, टिपर र टिपर चालक झापाकाे बिर्तामोड नगरपालिका- २ बस्ने बर्ष ४६ को तोयानाथ बिकलाई इलाका प्रहरी कार्यालय दमकको नियन्त्रणमा राखिएकाे जिल्ला प्रहरी कार्यालय झापाले जानकारी दिएकाे छ ।
स्कुटी चालक दकम ३ बस्ने बर्ष ४४ की टिका गौतमको दाहिने खुट्टाको घुडामा सामान्य चोट लागेकाे छ ।
