झापा । जिल्ला निर्वाचन कार्यालय झापाका अनुसार झापाका पाँचवटै क्षेत्रमा निर्वाचन अधिकृतको कार्यालय स्थापना गरिएको छ । मुख्य निर्वाचन अधिकृतको कार्यालय तथा झापा निर्वाचन क्षेत्र नम्बर –३ को निर्वाचन अधिकृतको कार्यालय भद्रपुरस्थित जिल्ला समन्वय समितिको भवनमा स्थापना गरिएको छ ।
त्यसैगरी क्षेत्र नं.–१ को निर्वाचन अधिकृतको कार्यालय मेचीनगर नगरपालिकामा स्थापना गरिएको छ । झापा– २ का लागि अर्जुनधारा नगरपालिकाको कार्यालय, झापा– ४ का लागि कनकाई नगरपालिकास्थित अतिथि सदन भवन र झापा– ५ का लागि दमकस्थित अग्र्यानिक कृषि भवनमा निर्वाचन अधिकृतको कार्यालय स्थापना गरिएको निर्वाचन अधिकारी तुलसी नेपालले जानकारी दिए ।
जिल्लामा कुल ७ लाख १३ हजार ५३७ मतदाता रहेका छन् । जुन २०७९ सालको निर्वाचन भन्दा ५० हजार २२६ मतदातामा वृद्धि भएको कार्यालयले जनाएको छ ।
