झापा । अयोध्यामा प्रभु श्री रामको प्राणप्रतिष्ठाको अबसरमा नेपालभर उत्सव मनाइएकाे छ ।
झापा लगायत विभिन्न जिल्लामा उत्सवसहित दीप प्रज्वलन समेत गरिएकाे छ ।
यसैगरी झापा भद्रपुर ५ मा रहेको सार्वजनिक हनुमान मन्दिर समितिको आयोजनामा भद्रपुरमा पनि झाँकीसहित बृह्त्त र्याली निकालिएको छ ।
समितिले मेची किनार स्थित हनुमान मन्दिरबाट झाँकीसहित यात्रा शुरु गरी झापा चोक,गणेश मन्दिर,देवी बस्ती , पुरानो नगरपालिका कार्यालयबाट भद्रपुर बजार हुदै पुनः हनुमान मन्दिर पुगेको थियो । र्यालीको समयमा विभिन्न स्थानमा सहभागीलाइ प्रसादको रुपमा खिचडीको समेत व्यवस्था मिलाइएको थियो ।
समितिले प्रसाद वितरण र साँझमा दिप प्रज्वलन ,भजन किर्तन लगायतका विभिन्न कार्यक्रम सञ्चालन गरेको समितिका संयोजक राजु सोनारले बताए । र्यालीलाई सफल बनाउन सार्वजनिक हनुमान मन्दिर सञ्चालक समिति, श्रीराम रथ
यात्रा समिति, भद्रपुर मारवाडी सङ्घ, भद्रपुर मारवाडी युवा मञ्च, महिला
मञ्च र युवती मञ्चको संयुक्त आयोजना रहेको थियो ।
कार्यक्रमलाइ सफल बनाउन राजु सोनारको संयोजकमा ४० सदस्य रहने गरी श्रीराम रथ यात्रा समिति गठन गरिएको थियो ।
