झापा । हल्दीबारी गाउँपालिका वडा नम्बर २ पाराखोपी बजारपूर्व आफ्नै बाबुको हत्या आरोपमा प्रहरीले छोरालाई नियन्त्रणमा लिएको छ ।
गएराति २ बजे स्थानीय ६३ वर्षीय बासु राजवंशी आफ्नै घरको आँगनमा रहेको लिच्चीको बोटमा शंकास्पद अबस्थामा झुन्डिएको फेला परेकाे जिल्ला प्रहरी कार्यालय झापाले जनाएकाे छ ।
मृतकको टाउको
र आँखामा चोट देखिएको र राजवंशीको मृत्यु शंकास्पद देखिएपछि उनका छोरा
करिव ३० वर्षीय सुनिल राजवंशीलाई अनुसन्धानको लागि नियन्त्रणमा लिएको
जिल्लाका डीएसपी कृष्णकुमार चन्दले बताए । डीएसपी
चन्द नेतृत्वको टोलीले ४ घण्टा लगाएर अनुसन्धान गरेपछि मृतक राजवंशीका
छोरा सुनिललाई नियन्त्रणमा लिएको हो ।
झुन्डिएको अवस्थामा फेला परेका राजवंशीको टाउको, अनुहारसहित शरीरका
विभिन्न भागमा चोट लागेको र अनुहारभरि रगत देखिएको वडा अध्यक्ष शुकलाल
राजवंशीले पनि बताए ।
सुनिललाई नियन्त्रण लिएर जिल्ला प्रहरी कार्यालयमा राखिएकाे छ भने मृतकको शवलाई पोस्टमार्टमको लागि प्रादेशिक अस्पताल भद्रपुर लगिएको छ । मृतक बासु र उनका छोराबिच राति झगडा भएको बताइएको छ । छोराको लुगामा समेत रगत भेटिएको डीएसपी चन्दले जानकारी दिएका छन् ।
