साङ्केतिक तस्विर
झापा । जिल्लाबाट
हराएका ६५३ जना फेला परेका छन् । जिल्ला प्रहरी कार्यालय झापाले दिएकाे जानकारी अनुसार पछिल्लो एक वर्षको अवधिमा विभिन्न स्थानबाट हराएका ६६७ जनाको हुलिया दर्ता
भएकामा ६५३ जना फेला परिसकेकाे जनाएकाे छ भने १४ को खोजी जारी रहेको जनाइएको छ ।
प्रहरीको सक्रिय खोजी, अनुसन्धान तथा सरोकार
भएका निकायसँगको समन्वयका कारण अधिकांश हराएका व्यक्ति सुरक्षित रूपमा फेला
परेकाे जिल्लाका डिएसपी रञ्जन अवाले जानकारी दिए ।
झापामा गत आर्थिक वर्षमा दर्ता भएका घरेलु तथा महिला
हिंसासम्बन्धी सबै उजुरी फछ्यौट गरिएको प्रहरीले जनाएको छ । प्रहरीका
अनुसार जिल्लाभर घरेलु तथा महिला हिंसासम्बन्धी १२३ वटा उजुरी दर्ता भएकामा
सबै उजुरीको आवश्यक प्रक्रिया पूरा गरी समाधान गरिएको हो ।
महिला, बालबालिका तथा ज्येष्ठ नागरिक सेवा केन्द्रको सक्रिय पहलमा
घटनाको प्रकृतिअनुसार कानुनी कारबाही, सचेतनामूलक परामर्श तथा दुवै पक्षबीच
संवादमार्फत मेलमिलाप गराएर उजुरी टुङ्ग्याइएको उनले जनाए ।
