झापा / धनकुटाकाे धनकुटा नगरपालिका वडा नम्बर ९ मुलघाट बजारमा घरायसी वादविवाद हुँदा श्रीमतीले मलद्वारमा छुरा हानेर श्रीमानलाई घाइते बनाएकी छिन् ।
गएराति ९.५० बजे मुलघाट बजार बस्ने ४० वर्षीया माया राईले घरायसी विवाद हुँदा श्रीमान ४५ वर्षीय सनम सुब्बालाई मलद्वारमा छुरा प्रहार गरी घाइते बनाएकी हुन् । प्रहरी चौकी मुलघाटबाट प्रहरी सहायक निरीक्षक टंकबहादुर थापाको कमाण्डमा प्रहरी टोली खटिएर छुरा प्रहार गर्ने माया राईलाई छुरासहित नियन्त्रणमा लिएको छ ।
उनलाई आवश्यक कार्वाहीको लागि जिल्ला प्रहरी कार्यालय धनकुटातर्फ पठाउने तयारी भइरहेको छ । घाइतेको अवस्था गम्भीर रहेकाले उपचारको लागि विपी कोइराला स्वास्थ्य विज्ञान प्रतिष्ठान धरान पठाइएको प्रहरीले जनाएको छ ।
