झापा । झापामा न्यायकी देवीको प्रतिमा अनावरण गरिएको छ । झापा जिल्ला अदालतको परिसरमा आइतबार एक कार्यक्रमको आयोजना गरी प्रतिमा अनावरण गरिएको हो ।
उच्च अदालत विराटनगर,इलाम इजलाशका मुख्य न्यायाधीश किरण पौडेल, जिल्लाका प्रमुख न्यायाधीश अशोककुमार बस्नेत ,दानबिर दिनबन्धु गोयल लगायतले संयुक्त रुपमा प्रतिमाको अनावरण गरेका थिए ।
प्रतिमा अनावरण गर्दै कार्यक्रमका प्रमुख अतिथि पौडेलले न्याय भनेको न्यायाधीशको मात्र नभइ बार, सरकारी वकिल पनि सगै जोडिएको बताए । यतिमात्र नभइ न्यायका देवीलाइ अगाडी राखेर सवै समुदायका बिचमा समन्वय गरेर साच्चैकै र वास्तविक न्याय प्रदान गर्न सकियोस भन्ने धारणा राखेका थिए ।
कार्यक्रममा दाता दिनबन्धु गोयल र निर्माण कर्ता अभिषेक तिम्सिनालाइ सम्मान गरिएको थियो ।
कार्यक्रममा प्रमुख जिल्ला अधिकारी बन्धुप्रसाद बास्तोला, नेपाल बार एशोसिएशनका केन्द्रीय उपाध्यक्ष सुरज खत्री, झापा बार एकाइका अध्यक्ष नारायणप्रसाद भट्टराइ, दाता दिनबन्धु गोयलले न्याय सम्पादनका विषयमा आ–आप्mनो धारणा राखेका थिए ।
कार्यक्रमका अध्यक्ष एवम प्रमुख जिल्ला न्यायाधीश अशोककुमार बस्नेतले उपस्थित सवैलाइ धन्यबाद दिएका थिए ।
अदालतका श्रेस्तेदार किरण केसीले औचित्यमाथि प्रष्ट पारेको कार्यक्रममा उच्च अदालत विराटनगर,इलाम इजलाशका न्यायाधीश ऋषिराज भण्डारी,बरिष्ठ अधिवक्ताहरु,कानून व्यवसायी , जिल्ला न्यायधिवक्ता , कर्मचारी लगायतको उपस्थित रहेको कार्यक्रमको सञ्चालन शाखा अधिकृत गायत्री बाह्रकोटीले गरेका थिए ।
