झापा । झापाको गौरीगञ्जमा ब्राउन सुगरसहित एकजना पक्राउ परेका छन् । पक्राउ पर्नेमा दमक नगरपालिका-५ का २५ वर्षीय प्रकाश निरौला रहेकाे जिल्ला प्रहरी कार्यालय झापाले जनाएकाे छ ।
बिहीबार साँझ करिब ५ बजे गौरीगञ्ज गाउँपालिका २ स्थित प्रहरी चौकी कोरोबारीबाट खटिएको प्रहरी टोलीले प्रदेश १–०१–०१५ प ६७४६ नम्बरको स्कुटरमा सवार निरौलालाई ४ ग्राम ८३० मिलिग्राम ब्राउन सुगरसहित पक्राउ गरेको प्रहरीले जनाएको छ । उनलाई इलाका प्रहरी कार्यालय गौरीगञ्जमा राखेर थप अनुसन्धान अघि बढाइएको जिल्ला प्रहरी कार्यालय झापाले जनाएकाे छ ।
